jeevan ke har sukh ko usne paya
jo bhi chade teri samadhi ki sidiya
anand me rahe uski hazaro pidiya
jab se humne tere darbar pe shish navaya
har sukh dukh me humne tushko sang hai paya
sukho me sar pe haath fahrakar kari battiyan pyary
dukho me karai apne kandho ki savari
tu aisa hai sai mali
banjar me bhi la dete hariyali
lendi me jo phool khilaye
ujre chaman me khushboo ho laye
ye kaisi hai sai teri kalakari
kaanto me bhi ugate gulabo ki avali
niras jeevan ka saar ho tum sai
garibo par karte upkar samajhke bhai
Jo bhi tere dar pe aaya
jeevan ke har sukh ko usne paya
jo bhi chade teri samadhi ki sidiya
anand me rahe uski hazaro pidiya
jab se bajai humne teri shehnai
paiso ki khankhanahat humko na bhai
swarn karn me bhed raha na koi
humari dharkan teri yaadon me khoi
papon ki dhoop me jhulasti kaaya
neem si mithi teri chatrchaya
chanchal man hardam hai bhatakta
tere dhyan se milti sthirta
jinhe mila hai tere naam ka sahara
usne poora jeevan tere bharose guzara
tune aa-aake hai sambhala
tum bin hai kaun humara
Jo bhi tere dar pe aaya
jeevan ke har sukh ko usne paya
jo bhi chade teri samadhi ki sidiya
anand me rahe uski hazaro pidiya
jab se humne tere guno ki gaatha sunai
hindu muslim sab laage apne bhai
phoolo me bhi darshan hua tere
auro ke dukho me anshu bahe mere
mala rati teri maine sham savere
jab jab chaye jeevan me ghor andhere
jab humne dil se pukara
tune haath pakadke paar utara
tu nahi hai koi paraya
tune to janmo se rishta nibhaya
nahi rehte hai poorv janm yaad
par maloom itna tu hamesha se tha saath
Jo bhi tere dar pe aaya
jeevan ke har sukh ko usne paya
jo bhi chade teri samadhi ki sidiya
anand me rahe uski hazaro pidiya
jab se piya humne tere charno ka paavan jal
hum par barsa tere pyaar ka saavan har pal
teri bhakti ki mehfil ramakar
tere deewano ki katare lagakar
sajai humne tere lia prem ki chilam
itna to bata de kab hoga humara milan
shabri sam niharon rahe
ab to phela de mere lia bahe
mamta se sile
bhavo se bune
vastr tushko mai pahnao
baija ke tarah bhojan tushko karao
Jo bhi tere dar pe aaya
jeevan ke har sukh ko usne paya
jo bhi chade teri samadhi ki sidiya
anand me rahe uski hazaro pidiya
puri kar de hamari bhi asha
humne tushko hai talasha
humne tere dar pe shish navaya
apne aham ko tere sammukh jhukaya
humne bajai teri shehnai
ab khatm kar do ye judai
hume tere guno ki gaatha sunai
humpar upkar karo ab sai
humne piya tere charno ka pavan jal
usme bah gaya humara sara hi mal
Jo bhi tere dar pe aaya
jeevan ke har sukh ko usne paya
jo bhi chade teri samadhi ki sidiya
anand me rahe uski hazaro pidiya
metaphors u use are very nice ...
ReplyDeleteur new poem seems to be really good... make it a long one , who knows people might sing it in future as part of baba's aarti :)
thank u 4 being my sole reader and encouragement
ReplyDeletemay Sai baba shower his infinite blessings on u and fulfill all your desires. may he remove all obstacles in your path to success.may he give to u eternal happiness.