THE WORLD IS COMPARED TO AN UPSIDE DOWN BANYAN TREE WHOSE BEGINNING AND END ARE UNKNOWN TO HUMAN BEINGS . SADGURUS INCARNATE TO UPLIFT HUMAN BEINGS TO THEIR INFINITE FORM.
THEY ARE LIKE THE SUN EMANATING LIGHT TO ONE AND ALL.
THEY ARE BEYOND CASTE , CREED , RELIGION , GENDER .
WHILE SOME WHO BELIEVE THEY CAN UNDERSTAND AND REACH TO THE THE VERY ESSENCE OF THE WORLD THEMSELVES TRY TO INFLICT PAIN ON THOSE WHO HAVE ALREADY GONE BEYOND THE HAPPINESS AND SORROW OF THIS MORTAL WORLD , LIKE SOMEONE TRYING TO SPIT ON THE MOON.
WHILE OTHERS HUMBLY BOW DOWN TO THEIR FEET AND ARE THUS ABLE TO CROSS THE GREAT OCEAN (BHAVSAGAR) OF THE WORLD

SAI KATHA CONTINUED

Fakir ka roop dharan karke Khandoba mandir me pravesh  kar gaye sai

Is gatna se samashaya ki hindu muslin sikh isai sabhi ek dooje ke bhai

Lekin mandir me rehna na laga sai ji ko mangal

Ghar ban gaya unka ek babul ka jangal

Us jangal me duniya se door sai ji rehne lage

Log ek dooje ko us fakir ke bare me kehne lage

Jab yeh khabar gaav ke patil tak ja pahuchi

Darshan karne gaya vo unke ,saath me thi uski patni

Jab neem vriksh ke paas ja pahuche kote patil or baija bai

Dhyaan me magn baithe the aasan lagakar sai

Baija ko man hi man hone laga us yuvak se mamta bhara aakarshan

Kote patil ke man ko har gaya us yogi ke chehre par chaya balpan

Soche dono kab yeh apni akhiya khole

Naino ko pasar tab sai ji unse bole

Mai tu pichle janmo se hai meri behna

Kaise bhala tal sakta hoon tera kehna

Baija ne jo sune sai ji key eh amrit bhare vachan

Man hi man utha liya yeh pran

Jab tak tum bhojan nahi khaoge

Apni is didi ko bhukha hi paoge

Tab tak na choongi mai ann jal

Jab tak tera pet na gaya ho bhar

Roj bhakri sabzi tokri me uthaye

Baba se vo nit prati milne aaye

Poore jangal me vo unhe dhoondhte firti

Unko paakar phir harshit hua unke pair pakarti

Baba kehte kabhi ma kabhi didi

Jaise ho yashoda ke kanha kaushalya ke raghurai

Un dono ke prem ko dekh sabhi aasharyachakit reh jate hai

He sainath hum tere hi gun gaate hai

Tere naam se apna jeevan safal banate hai

SAI KATHA CONTINUED

RAREST AND OLDEST PHOTOGRAPH OF SAI BABA

Ho gayi zor shor se  shaadi sampan nirvighn

Chand patil phir aaye baba ko le jane apne sang

Baba ne tab yeh nyota na swikar kiya

Ye shirdi hi mrei karmbhoomi chand ko bata diya

Chand rokar bole koi bhool ho gayi jo humara saath na tumko bhaya

Dedo jo dand chaho mat karo yatim humko na cheeno apne prem ka saya

Sai ji bole nahi ab tushko or pareshan na mai karonga

Kar rahe hai log intazar mera yahin par mai aajeevan rahonga

Tu gabra na, mai tere sang bhi hu or yahan bhi

Mera na ant koi or na hai adi

Tu jab jab mushko yaad karega ,sang apne payega

Tu bhakt hai  mera sara jahan yeh gayega

Chand hat pakre baitha to sai ji bole

Achha baad me bulanga tushko ab tu barat ke sang hole

Tab se baba shirdi me hi ruk jate hai

He sainath hum tere hi gun gaate hai

Tere naam se apna jeevan safal banate hai

SAI KATHA CONTINUED

SAI BABA WAS WELCOMED HERE

MAHALSAPATI WELCOMING THE YOUNG FAKIR

Chand bhai baba ke pehle bhagat the

Dhoop gaav ke patil, unke bhagya bade hi sashakt the

Pehli baar usne hi sai ji ko ‘baba’ bulaya

Unko sang le jakar , apne mahatv ko badaya

Dhoop gaav me  Yelganga nadi ke kinare sai ji ne dera jamaya

  Kuchh kal  apne jeevan ka unhone yahi par bitaya                       

 Yahan ek neem vriksh ke neeche sai ji baitha karte the

Chand bhai ko namaz ka gyan dete the

Geeta or kurbani bhi yaad thi unko

Par apne gyan ka aadambar na pasand tha unko

Tab ek din dhoop gaav se shirdi ja rahi thi ek barat

Baba bhi pahuch gaye dobara shirdi barat hi ke saath

Dhanya dhanya yeh shirdi

Charon or jiski pheli hai prasidhi

Kya punya isne the seeche

Jo baba punh chale aaye yahan khiche

Barat ko khandoba mandir ke khule medan me taharaya

Shirdi vasiyo ne bade dhoom dham se unka swagat karaya

Jyo jyo eke k karke utarne laga tange se barati

Khara hokar abhinandan kar raha mahalsapati , mandir ka pujari

Jaise hi us mahalsapati ne dekhi fakir ki tejmay surti

Akasmat us ke kanth me viraj gaya sakshat sarasvati

Ya sai kehkar swagat kiya

Vo fakir tab se usi naam se jana gaya

Na chand patil ne na shirdi valo ne poocha us fakir se uska naam

Sai naam de diya usko samaya the jinme ram or rehman

Jab vo fakir jane laga khandoba mandir ki or

Vo rurivadi Brahman machane laga shor

Socha usne yeh to hai ek musalman

Bheetar jakar karega mere khandoba ke apman

Sai ji bole tab jab tune bhi ki hai ek vaishya se shaadi

Jat-pat ke niyam tore tune bhi to mere andar jane se tushe kya hani

Mahalsapati soche yeh raaz ise kaise pata chala

Ulsha in vicharo me tab chand bhi aage bada

Bola vo kyun bhala kar rahe inhe andar ane se mana

Yeh humare gaav ke bade uche auliya

Sabhi reet rivaz ko chunoti dekar sai ji mandir me pravesh kar jate hai

He sainath hum tere hi gun gaate hai

Tere naam se apna jeevan safal banate hai

SAI KATHA CONTINUED

SAI BABA'S MEETING WITH CHAND PATIL WHEN HE WAS SITTING UNDER A MANGO TREE

Lekin us param virakt ko na chahiye thi prasidhi

Leen rehta Samadhi me jaise kar raha kisi ki bhakti

Ek din is rang birangi duniya se uska man uchat gaya

Gaav chhod na jane vo kidhar ki odh chal para

Is samay vo kahan raha ,kaise karta  tha bhojan

Na gyan kisi ko, keval rishi muni hi jante yeh man hi man

 Agle darshan hua unke chand bhai ko

Khoi hui apni ghori ko dhoondh rahe the jo

Do mah hua ghori ko khoye,

Har jagah dhoondhe use,koi jangal,koi jharna na chhode

Par pata na chala khuchh ghori ka

Nirash vah laut chala apne gaav, ghori ki jeen ko kandho par latka

Achanak uski nazar ek fakir par padi

Ek pathar par baitha kar raha vo chilam pine ki taiyari

Fakir ne poocha yeh jeen hai kiski

Kyon chhai hai tere muh par yeh udasi

Chand bola kya sunao apna hal

Ghori ki virah me hu mai behal

Fakir bola zara nale ke paas dhoondh jaakar

Harshit ho gaya chand apni ghori ko vahan paakar

Vaapas aaya to dekha chilam ban ne me do chizo ki kami

Usko jalane ki khatir chahiye aag oe kapra bhigone ke lia paani bhi

Socha chand ne kaise karega yeh chilam ko taiyaar

Jab aage ke karishme dekhe to usme jaagi shraddha apar

Sai ne jo pathar par apna satka de mara

Pehle nikle angaare,phir doosri baar beh gayi jal ki dhara

Isi reet ko sai ne jeevan bhar nibhaya

Krodh dikhakar bhakto ke papo ko jalaya

Kabhi ban jaate vo mom se naram

Bhakto ke ghavo par lagate mamta bhare hatho se maram

Yeh  leela dekh fakir ki

Chand bhai ki aankhe naram hui

Samajh gaya vo ki yeh nahi koi sadharan vyakti

Pehne chola sadgi ka yeh koi divya shakti

Bola chand baba se tum sang mere chalo

Dekar sang mushko apna mushpar upkaar karo

Chand baba ko apne saath le jate hai

He sainath hum tere hi gun gaate hai

Tere naam se apna jeevan safal banate hai

SAI KATHA CONTINUED

Us chhote se balak me itna tha aakarshan

Pal bhar me kar leta vo sabke hridaya par shasan

Vo alpayu yogi sabke man ko bhaya tha

Par ab tak koi uski divyata ko pehchan na paya tha

Ek din ek bhakt me pravesh kar gaye khandoba raya

Unhone us yogi ki asliyat se parda hataya

Voh yogi jahan baitha tha dhyan me magn

Khandoba le gaye logo ko us jagah kulharon ke sang

Vahan ki mitti ko jab khodkar hataya

Chaar iit dekh sab ke hridaya me vismay aaya

Sab ne dekhi vahan ek gufa gomukhi

Samajh gaye sabhi udhar karne srishti ka aa gaye krishn murari

Us gufa na tha pani ,na paryapt hava

Mile vahan jalte deepak or mala

Khandoba bole is yogi ne ki hai yahan barah baras tak tapasya

Ab yeh hi hal karega tumhari har samasya

Itna kehkar khandoba hua antardhyan

Sabke man me us anjane yogi ke lia jaga samman

Yogi ne yo kehkar baat ko tala

Ye mere guru ki hai Samadhi

Mai karta iski aaradhana

Pehle ki tarah dhak do isko,na aane ise paye koi hani

Aaj tak log sai ke is gurusthan ke aage shish jhukate hai

He sainath hum tere hi gun gaate hai

Tere naam se apna jeevan safal banate hai

SAI KATHA CONTINUED

Maharashtra prant ki ahmednagar zila

Usme ek chhota sa gaav shirdi ho gaya ati paavan

Jab usko sai ka saath mila

Mere sainath ko lag gaya vo manbhavan

Neem vriksh ki chhaav tale pakata solah baras ka bal tapasvi

Bhuk,pyaas na lagti usko,na naam kuchh uska,na vo chahta prasidhi

Dhyaan me har dam magn vo rehta

Garmi,sardi or tej barsaat ko vah apne nange tan pe sehta

Dekh ki uski yeh ghor tapasya gaav ki striyon ki beh gayi anshu dhara

Kaun hai yeh ,kahan se aaya sab ke hridayon me kautohal macha

Jo bhi ek dafa gaur se nihare

Puche kyokar zamin par utar aaye chaand sitare

Daya ke sindhu,gyan ke bindu

Zamin par akele utar aaye

Na koi mata,na koi pita,na tha koi bandhu

Duniya ki reet rivaj unko nahi bhaye

Din bhar vo neem vriksh ke neeche karta rehta manan

Raaton ko nirbhay hokar karta tha bhraman

Sab uske roop rang ko dekhkar ashcharyachakit ho jaate hai

He sainath hum tere hi gun gaate hai

Tere naam se apna jeevan safal banate hai

SAI KATHA

Sai ke charno me shish dhar

Karon ye prarthana,sai sab ki manokamna poorn kar

Tu hai aakash o sai

Bhavsagar par parti teri parchai

Teri leelaon ka amrit sagar

Jo bhi bhare isse apna gagar

Vo tere rang me rang jaye

Us par teri bhakti ka nasha chad jaye

 He sainath hum tere hi gun gaate hai

Tere naam se apna jeevan safal banate hai

Krishna kahe jab jab ho dharm ki hani

Jab jab dharti par raj kare abhimani

Tab tab mai aaunga

Dushto ka sanhar kar,dushtta door bhagaonga

Us samay ki baat hai yeh jab bharat pe tha angrezo ka prashasan

Lobh,moh or abhiman kar raha tha sab ke hridayo par shasan

Dukh daridraya ka samrajya tha fela

Papo ke bhar se tha sab ka man maila

Sone chandi ki chamak se oshal ho jati sab ki drishti

Karuna se man bhar gaya parampita ka jab pai is hal me apni srishti

Chod  thakurai,keval mamta hi apnai

Mamta, prem ,daya ke bhav lia

Vo dharti ki or chal dia

vohi avtar the vo jinhe hum sai bulate hai

He sainath hum tere hi gun gaate hai

Tere naam se apna jeevan safal banate hai

SAI BHAJAN EXPLAINING THE MAHIMA AND THE MAGICAL CHANGES THAT COME OVER ONE WHEN HE TAKES SAI BABA'S REFUGE

Jo bhi tere dar pe aaya
jeevan ke har sukh ko usne paya
jo bhi chade teri samadhi ki sidiya
anand me rahe uski hazaro pidiya

jab se humne tere darbar pe shish navaya
har sukh dukh me humne tushko sang hai paya
sukho me sar pe haath fahrakar kari battiyan pyary
dukho me karai apne kandho ki savari
tu aisa hai sai mali
banjar me bhi la dete hariyali
lendi me jo phool khilaye
ujre chaman me khushboo ho laye
ye kaisi hai sai teri kalakari
kaanto me bhi ugate gulabo ki avali
niras jeevan ka saar ho tum sai
garibo par karte upkar samajhke bhai


Jo bhi tere dar pe aaya

jeevan ke har sukh ko usne paya 

jo bhi chade teri samadhi ki sidiya

anand me rahe uski hazaro pidiya

jab se bajai humne teri shehnai
paiso ki khankhanahat humko na bhai
swarn karn me bhed raha na koi
humari dharkan teri yaadon me khoi
papon ki dhoop me jhulasti kaaya
neem si mithi teri chatrchaya
chanchal man hardam hai bhatakta
tere dhyan se milti sthirta
jinhe mila hai tere naam ka sahara
usne poora jeevan tere bharose guzara
tune aa-aake hai sambhala
tum bin hai kaun humara

Jo bhi tere dar pe aaya

jeevan ke har sukh ko usne paya 

jo bhi chade teri samadhi ki sidiya

anand me rahe uski hazaro pidiya

jab se humne tere guno ki gaatha sunai

hindu muslim sab laage apne bhai

phoolo me bhi darshan hua tere

auro ke dukho me anshu bahe mere

mala rati teri maine sham savere

jab jab chaye jeevan me ghor andhere

jab humne dil se pukara

tune haath pakadke paar utara

tu nahi hai koi paraya

tune to janmo se rishta nibhaya

nahi rehte hai poorv janm yaad

par maloom itna tu hamesha se tha saath

Jo bhi tere dar pe aaya

jeevan ke har sukh ko usne paya 

jo bhi chade teri samadhi ki sidiya

anand me rahe uski hazaro pidiya

jab se piya humne tere charno ka paavan jal

hum par barsa tere pyaar ka saavan har pal

teri bhakti ki mehfil ramakar

tere deewano ki katare lagakar

sajai humne tere lia prem ki chilam

itna to bata de kab hoga humara milan

shabri sam niharon rahe

ab to phela de mere lia bahe

mamta se sile

bhavo se bune 

vastr tushko mai pahnao

baija ke tarah bhojan tushko karao

Jo bhi tere dar pe aaya

jeevan ke har sukh ko usne paya 

jo bhi chade teri samadhi ki sidiya

anand me rahe uski hazaro pidiya

puri kar de hamari bhi asha

humne tushko hai talasha

humne tere dar pe shish navaya

apne aham ko tere sammukh jhukaya

humne bajai teri shehnai

ab khatm kar do ye judai

hume tere guno ki gaatha sunai

humpar upkar karo ab sai

humne piya tere charno ka pavan jal

usme bah gaya humara sara hi mal

Jo bhi tere dar pe aaya

jeevan ke har sukh ko usne paya 

jo bhi chade teri samadhi ki sidiya

anand me rahe uski hazaro pidiya

SHIRDI SAI BHAJAN HONOURING HIS VILLAGE ,HIS NEEM TREE AND HIS MOSQUE AND MAKING APRAYER AT HIS HOLY FEET

shirdi gaav hai ati paavan
mere guru ko lagta vo manbhavan
sai ne banai isko jo apni karmbhoomi
ab to lagta jaise saache dharm ki vo janani

shirdi gaav ko mera naman
yahan ki galiyon me tune kiya bhraman
jis dharti ke tukro ko tune paavo se chua
sone hire jaisa uska samman hua
vahan ki mitti ban gai chandan
bhakton ke maathe ka aabhushan
shirdi ki havao me mehekti teri sugandh
vriksh or paodhe bhi karte tera naamsmaran
aata chakki sunaye teri jeevan gaatha
chavadi me bhakt ragarte maatha
tere charno ka paavan jal barasata banjar me saavan
sab kehete hai

shirdi gaav hai ati paavan

mere guru ko lagta vo manbhavan

sai ne banai isko jo apni karmbhoomi

ab to lagta jaise saache dharm ki vo janani

shirdi ke neem vriksh ko mera naman

uski chaav tale tum karte the manan

neem misal karvahat ki

usne jo man se  teri khidmat ki

shahad se mithe ho gaye patte

tere prem hua kitne dusht ache

solah baras ke baalak banke aaye

pyaar or khushiyon ki bahar sang laaye

allah maalik kehkar ram ke gun gaaye 

dharm ke bhed pal me mitaye

na koi apna na paraya, tera tha na rehne ka thikana

tu akela, saath tere parbhrahm ka khazana

dalito ko gale lagakar , jaat paat kobulaye bahana

tu albela,hua sara gaav tera deewana

tere dar se nikalti daya ki kiran

sab kehete hai

shirdi gaav hai ati paavan

mere guru ko lagta vo manbhavan

sai ne banai isko jo apni karmbhoomi

ab to lagta jaise saache dharm ki vo janani

shirdi ki dwarkamai ko mera naman

iski dharti par tune barso tak kiya shayan

yahan ke kan kan me tune apna astitva boya hai

yahan ka har ek pathar teri sudhiyon me khoya hai

is masjid ko banaya sabki maiya

bhaktan hit ye bani chandika,tum kevat taarak naavo ke khivaiya

yahin baithkar gyan ka updesh sunaya

apne vachano ka ise praman bataya

karm-dharm ke bhed samajhaye

anpad ko gyaneshvari padaye

tune baccho ka haath thamkar chalna sikhaya

jhoot fareb ke kaato se bhakton ko bachaya

karte ho tumhi to maa ki tarah bacchon ka palan

sab kehete hai

shirdi gaav hai ati paavan

mere guru ko lagta vo manbhavan

sai ne banai isko jo apni karmbhoomi

ab to lagta jaise saache dharm ki vo janani

sai tumko karo mai koti-koti naman

tumhare charnon me hi man mera kare bhraman

jeevan bhar karo teri leelaon ka manan

tere sameep hi ho mera antim shayan

meri vinti sun lo

mushko apne paavo ka ghungru bana do

pero me baandh apne isharo pe nacha lo

mushko apna shyamsunder bana do 

khud ko mere dil or dimag me savar kara dlo

mushko apni iit tum bana lo

jeevan ka sangi banake meri hifajat karo

mai bhi man se kaho

shirdi gaav hai ati paavan

mere guru ko lagta vo manbhavan

sai ne banai isko jo apni karmbhoomi

ab to lagta jaise saache dharm ki vo janani

                                                                TRANSELERATION

the village shirdi is very pious

it appeared pleasing to my guru

for sai made it his place of work 

now it appears as if it is the mother of all religions

i bow before the village shirdi

you roamed in its streets

those pieces of land which you touched with your feet 

are honoured like gold and diamond

the earth of that place became sandal

it became the jewel adorning the foreheads of thy devotees

the winds of shirdi carry your sweet smell

trees and shrubs also recite your name

the flour and grinding wheel recite your life story 

and devotees rub their foreheads in your chavadi

the holy water of your feet pours rain on arid places

everyone says

the village shirdi is very pious

it appeared pleasing to my guru

for sai made it his place of work 

now it appears as if it is the mother of all religions

i bow before the neem tree of shirdi

under the shade of which you sat engrossed in divine contemplation

the neem a symbol of bitterness 

when it served you with devotion

its leaves became as sweet as honey

by thy affection many devils converted into saints

you came as a sixteen year old boy

and brought with you a flood of love and happiness

calling Allah the master , you sang the praises of Lord Ram

in a moment you broke the differences between religions

you neither had any freind nor any foe

you had no place to live

you were alone ,but brought with yourself the treasure of spiritual knowledge

you embraced the dalits and called casteism an excuse

you were unique,so the whole world became your fan

from your court emanates the ray of kindness

everyone says

the village shirdi is very pious

it appeared pleasing to my guru

for sai made it his place of work 

now it appears as if it is the mother of all religions

i bow before the dwarkamai of shirdi

you slept on its floor for many years

you have sown your presence in every grain of this place

every stone of this place is lost in thy rememberance

you have made this mosque mother of all

for the benefit of thy devotees, it became Goddess Durga, and  you the saviour of kevat became the boatman

you sat here and preached knowledge

marking this mosque as an evidence of thy words

you revealed the meaning of karma and dharma

you made illiterates well versed in gyaneshwari

you held the hands of thy children

and taught them how to walk

you saved them from the thorns of falsehood

you take care of your children like a mother

 everyone says

the village shirdi is very pious

it appeared pleasing to my guru

for sai made it his place of work 

now it appears as if it is the mother of all religions

sai, i bow before you hundreds of times

my mind  always remains engrossed in thy holy feet

i want to remember your deeds throughout my lifetime

i want to breathe my last near you

listen to my prayers

make me the anklet of thy feet 

tie me in your legs and make me dance as per thy instructions

make me thy shyamsunder

get yourself ridden in my heart and mind

make me thy brick 

make me thy comrade and protect me

so that i also say from my heart

the village shirdi is very pious

it appeared pleasing to my guru

for sai made it his place of work 

now it appears as if it is the mother of all religions

BHAJAN DEDICATED TO SHIRDI SAI

dhanya hain wo shirdiwale

jinhe teri bhakti viraasat me mili hai

wahi to asli shakti, wahi asal me dhani hain

shirdi gaav hai ati paawan

yahi to tera dham hai deva, bhakton ke manbhavan

yahin pe tune saath baras guzare

dino ke bandhu, bhakton ke sahare

dhanya us lakshmi ka jeevan

umar bhar kiya tere pyaar ka sevan

noa sikke dekar bhakti ke noa roop pradarshit kiye

jeevan bhar us se doodh or bhakari swikaar kiye

raadhabai ko jhootan khilaya

safal us vidhva ka jeevan banaya

dhanya hain wo shirdi ki gopiyan

jinhe teri bhakti viraasat me mili hai

wahi to asli shakti, wahi asal me dhani hain

shirdi gaav hai ek gurukul

mere guru ka paavan ahinsa sthal

tum ho yahan ke deva o satguru

shishya hain tere muslim or hindu

isa masiha ka roop ho tum sai

kehte ho sabhi ko apna bhai

saache dharm ki di hai tumne rooprekha

ek hai karam,doosri guru ki seva

dhanya hain vo guru ke sevak

jinhe teri bhakti viraasat me mili hai

wahi to asli shakti, wahi asal me dhani

hain

shirdi gaav hai ek upvan

yahan ke jeevon se tera janmo ka sambandh

tum ho yahan ke deva o maali

patshar me bhi la dete hariyali

dhanya us mahalsapati ka jeevan

sai naam se kiya abhinandan

bahatar ganton tak sareer ko sambhala

apne chorasi pheron ko kata

dhanya sai tere madhav rahayo

janmo se tere sadhak kahayo

krishn prati sudama ki bhakti jaise

uski tumse aasakti vaise

tum kaho shama, wo kahe deva

jeevan bhar ki tere charno ki seva

jhulsti agni se usne tera haath nikala

janmon tak tumne uska bhar sambhala

teeno lok ke darshan karaye

arjun jaise divya roop dikhaye

mitrata me hota bhed na koi

ye tune phir se samujhai

tum thakur ati gnani

wo anpad garib manmani

phir bhi huye abhin sakha

jaise ek dooje ki atma

dhanya hain wo tere deewane

jinhe teri bhakti viraasat me mili hai

wahi to asli shakti, wahi asal me dhani hain

shirdi gaav ko hamare dil me sama lo

yahan pe bhi phool pyaar ke khila do

baijabai ke pyaar ko swikara

jeebvan bhar use ma didi kehkar pukara

vaisi hi bhakti humko bhi de do

humko bhi apna tum keh do

tatya rahe tere jeevan bhar sevak

isiliye tum huye uske prano ke rakshak

vaise hi seva ka vardan hume do

humare dukho ka nidan tum karo

jaise shama ko daatkar bhagaya

uske sarpvish ko pal me utarvaya

vaise hi humare papon ko ab kato

humari bhi durbhavnao ko tum hi daato

bhakti ka rang charakar,prem ke bhaav jagakar,

apni udi lagakar, apne guno ko muh se gavakar

humein apna sevak bana lo

dhanya hai humara bhi jeevan

joki tumsa marg darshak mila hai

yahi to asli shakti, hum bhi dhani hain

dhanya hain wo shirdiwale

jinhe teri bhakti viraasat me mili hai

wahi to asli shakti, wahi asal me dhani hain